مـادام خانتـك الظـروف الله يخـرب بيتـهـا

البارحه والجوع مس الذيـب يـوم انـه يعـوي
علـى سنـام طويـق والقمـره وراه بليتـهـا

اخايلـه واقـول واعـزي لحـالـك يالـقـوي
اللي تنقى فـي سمـان الفطـح لا مـن جيتهـا

واللي باساميك يتقلدهـا الخـوي مـع الخـوي
والعـرب تبديـك التحايـا وانـت مـا حييتهـا

واسمك على النخوه يعد وكل روس(ن) تشتـوي
والوجبـه الحيـه تعشاهـا وتـتـرك ميتـهـا

الجوع لو يدفعـك للمـوت الذحـاح المستـوي
حشمت نفسـك عـن عظـام الحرجـه وخليتهـا

ودامك طليق(ن) ما قهرك المعتـدي والمهتـوي
وخطاك مـن دون المغـازي مـا بعـد سجيتهـا

يا ذيب يا ذيب الخلا اللي ليلك يـروح سـروي
مـا بيـن مرحـان الشواويـه ليـا عشيتـهـا

يا موجل(ن) قلب حضري يا موجل(ن) قلب بدوي
ياللـي تشيّـم خـوة الرجلـيـه ان خاويتـهـا

عامل خوي الذيب في عصر الفـوات المنطـوي
وقصتك فـآذان العـرب واليـا طـرت لبيتهـا

نحر ذلول(ن) مـن وصايفهـا شحمهـا مرتـوي
لعيـون خوتـك الفريـده والبقـا فـي صيتهـا

يـا ذيـب يكوينـي قنيبـك لا توحّيتـه كــوي
على غشـاش الكبـد والخطـوه عمـد رديتهـا

مدري غبى مدري ذكى مدري تسـرع فوضـوي
لكن خطواتي علـى الهيبـه مـا قـد ضريتهـا

ياذيب عزك في زمان السيف مـن قبـل يهـوي
وقبـل زمـان العولمـه للـنـاس وآتيكيتـهـا

وقبل يغيب المنطق الحسـي ويبقـى المعنـوي
والغيـره تـوزع تجمّعـهـا عـلـى تشتيتـهـا

وقبـل النوايـا المستقيمـه ماتعـاج وتلـتـوي
والناس تمشي فـي تعاملهـا حسـب توقيتهـا

يا ذيب مدري كيف ابوصف حالتـك يالمنـزوي
والهاشميـه فـي طـرف عينـي ولا دنيتـهـا

لا جيث ابرثـي حالتـك ضـاع الكـلام اللغـوي
والمفـردات اللـي تجملـنـي لـيـا عديتـهـا

والهاجس اللي كل مـا فليـت حويـه ينحـوي
وافكـاري اللـي تتعـب الخافـق ليـا هليتهـا

واخـاف لا تكمـل وينحـاك النزيـف الدمـوي
وابقى علـى قـول المثـل خميتهـا واخطيتهـا

ياذيب واقنب خـل صوتـك يـدوي العالـم دوي
مـادام خانتـك الظـروف الله يخـرب بيتـهـا

واخـاف لا تكمـل وينحـاك النزيـف الدمـوي
وابقى علـى قـول المثـل خميتهـا واخطيتهـا

ما أصعبها كلمة و ما أصعب الإحساس الذى تولده
يسلموووووو
قصيده رائعه

واللــــــــــه روووووووعه مــاشاء الله عليـــك ,,’’

تســلم يمنـــــاااك يـــا اخووي ,,’’

العفو اخجلتم تواضعنا

مشكوووووووووووور وعلى فكره شعرك جميل جدا

انت الاجمل يالغالي

دمت بخير