مش قولتلك

مش قولتلك اني راجع ؟ ... واديني تاني رجعتلك مش قولتلك ... إني هارجع شخص تاني ؟ لو لسه فاكره حلفتلك إني هارجع بس مش هارجع حبيب وان بكرا للي شايفوا أكيد قريب إني هاجرح مش هاسامح أي قلب في حبه جارح أي قلب في لحظه خاني وخلى عني الشوق يغيب فاكره أخر مره شوفتك واتقابلنا ؟ فاكره يوم ماجيت بقلبي لحد قلبك واتحايلنا ؟ كنتي قاسيه وكنت أضعف من عنيكي كنتي جارحه وكنت بتوسل إليكي كنتي بايعه وكنت شاري كنتي قاصده تذيدي ناري والنهارده أهو اتقابلنا زي ماوعدتك وقولت في المكان دا كان كلامنا وفي المكان دا عليكي هونت النهارده قلبي أقوى وانتي قدامي ضعيفه النهارده حقي أأسا وانتي قدامي فريسه ماعدتش عيونك تهزمني ولا قلبي عليكي يوصيني انتي اللي نزعتي الهوى مني وفضلتي عليكي تأسيني وانا مش هاجرح ولا هأسا أنا من اللحظادي هانسا أنا بس رجعت اقولك مابقتش خلاص احبك قلبي بقى أاسي عنك ومن عنيكي أقوى .