هلا والله
كيفكم
اخليكم مع السوالف
عشاق الكورة:
شاب :: يا خي احلى شي عاد لين الهلال تصدر الدوري
شاب :: ايه والله .. شفت قول آيتوو عاد شق المرمى شق فديته هالادمي
شاب :: رحححح ياشيخ .. بيجيكم الشبح المدريدي بيشوت هالبزران
شاب :: روح روح .. مدريدك ذا يالله فازو على الدرجه الثانيه
ويقوم الطقاق والتكفيخ .. وتلقى واحد منهم مسدوح عـ الارض
والثاني معلق على الباب
المغازلجـيـه:
شاب :: اااخ يا الحبيب شفتهاا .. هذي الي قاعدة ورى السواق
شاب :: تقصد هذي ام العباة فيها ستين فراشه ؟!
شاب :: لااا يا دلخ .. اللي عباتها الخفاش ..
شاب :: ايه هذي كشخه ياخي بس يقولون ماتعطي وجة
شاب :: ما عليك منها .. بتطيح بتطيح ..
عاد الحبيب بيجيب تاريخ اهلها واجدادها على اساس ان انا اعرفها ترى !
راعين الطنازة والاستهبال ( راعيين الضحك والاستهزاء على العالم )
شاب :: شوف شوف .. هذي ام عباة راس صدقني بتطيح
شاب :: وش دراك انها بنطيح ؟! الا اذا عينك حارة:
شاب :: يا العله بتشوف الحين
" البنت بتنزل من الباص "
شاب :: هيه انتي عبااتك
طــــــــم طـــرااااخ ( طيحه على الوجه )
شاب & :: هههههههههه
وتقعد تسب فيهم وتلعن وهم للحين يضحكون عليها
عشاق الكتب ( ما يشيل راسه من الكتاب ساعه )
شاب ( قاعد يراجع اخر درس من الماده )
شاب :: وين وصلت ؟!
شاب :: رقم 6 بس ما فهمتها .. تشرحها لي ؟!
شاب :: اوكي ..
ويشرحون لبعض ويدور الباص وينزلون الطلبه كلهم
وهم للحين في الباص .. لين يجيهم السواق ويقولهم يلاااا فكوني بروح بيتنا
شباب على غير العاده " هاذولي في حالهم"
شاب :: هلا شلونك ؟!
شاب :: بخير الله يسلمك شلونك انت ؟!
شاب :: الحمدلله بخير الله يعافيك
انتهت المحادثه .. واحد يطالع من الدريشه والثاني سرحان والا راقد
عشاق الاغانـي والطقطقه:
شاب :: يا مونيتي يا سناااا خاطــــررري وانا احبك يا سلام
شاب :: ياهووو .. هلا هلا روووح ررروح
شاب :: ليه الجفااا .. ليه تهجرنــي وانااااا وانا وانا احبك ..
شاب & (4) :: احببببك .. احبببببك يا سلاااااام حبيبي انتـه روووح
مساكين ذولي .. تلقاهمـ يفكرون يغنون في عرس .. ويوم فكروا و راحو شاتوهم بالنعل(الله يكرمكم)؟
فئة الموضـه:
شاب :: شفت وائل كفوري وش مسوي والله عجيييب شعره مالي
الا اروح الريتز يسوونه لي صاير مهب زين ( واااي يحليلك اسم الله عليك )
شاب :: لالا ما عجبني احلى شي قصة عمرو دياب بس ناقصه صبغه اشقر على جنب والله يطلع كووول
ذولي مساكين بعد .. اخرة هالقصات بيسوون تسريحة المطربة صباح !
فئة الخكاريه:
شاب واطي على رجل الثاني عن غير قصد
شاب :: آآآي عوورتني
شاب :: اوه سوري عورتك بقوه؟!
شاب :: لا لا خلاص حبيبي
شاب :: لا صدق عورتك ؟ اسف يا قلبي ما كان قصدي اجرح مشاعرك < تظنون عندنا من هالفئة الرقيقة )
وتقول شوي ومن زود الرقة بيقعد يبكي وخوية يساندة الفاجعة
---------------
خخخخخخخخخخخخ
ان شاء الله اعجبكم الموضوع ..
تحياتي ..