السلام عليكم انا اخوكم الصقر العاشق عضو قديم بس مكنتش متواجد لفترة معينة
يا ريت تقبلو رجوعى
ترتيب الجمل:ا
جمل فى اللجنة-
جمل فى الايام العادية-
...*...*...*...* ...*...*...*...*...*...*...*...*...*...
________________
جمل فى اللجنة
_________________
مفيش طلوع قبل نص الوقت فاهمين
اللى معاه موبايل يطلعه
بص فى ورقتك
اللى حنلاقى معاه مذكرة او كتاب حتتحط مع ورقة إجابته
بص أدامك
أنت بتكلم زميلك بتقوله إيـــه؟؟؟؟؟؟؟
أنت حترد علية
مش قولتلكم الامتحان كله جاى من الورق بتاعى
ا(الميس اللى حاطة الامتحان):انا مش قولتلكم الأمتحان مفاجأة
حتكتب عالدسك ماشى بس ماتعدش تجيب
مانافيستو هات مش ناقصين مشاكل
وطوا صوتكم المشرفة قريبة
أنا قولتلكم زاكروا كويس انتة اللى ماسمعتوش
كلامى
غشوا زى مانتو عايزين بس لما تيجى ميس الهام اسكتو
مفيش حمام لغاية اخر اللجنة هو انتو لسة اطفال
اللى يطلع بدرى ينزل على طول و اللى حشوفه بيلف عالجان زى فرقع لوز حقطع رقابته
اللى حشوفه بيغش حعلم على ورقته و حيتحرم من الامتحان لغاية اخر الأمتحانات
الغش مش فى مصلحتكم افرض بتغش غلط
خلى معلوماتك لنفسك و ماتضيعش مجهودك
انتو بتغشو ليه دا حتى الامتحان تافه
______________________________________________
جمل سامعينها على طول فى الأيام العادية
______________________________________________
بطلو كلام امنع الصوت
مش عايز اسمع صوت
بكرة ماتجيش الا بولى امرك
ما تردش عليا
مفيش حمام لغاية اخر الحصة
kgحمام إيه الى انت عايز تروحه هو انت لسة فى
الكراسة تجيلى بكرة ممضية
امشى روح وشك فى الحيطة
المدرسة زى بيتك ..انت بترمى زبالة فى بيتك
حندهلك المدير
اللى معملش الواجب يقوم يقف
انت بتتكلم؟؟؟ ماتيجى تشرح الدرس بدالى
انت حعملك استدعاء ولى امر
انت..بتتكلم ليه انت جاى المدرسة هنا تهرج
افتح إيدك
يابنى احترم واقفتى و تعبى و انا بشرحلكم
انا ممكن اقول الدرس اتشرح و اخبطوا دماغكم فى الحيطة
يابنى خاف على مصلحتك
هو انت بتعمل الحركات دى ادام باباك و مامتك فى البيت
مفيش اكل فى الحصة
ماتعليش صوتك عليا و متشوحش بإيدك
طلع ايدك من جيبك و انت بتكلمني
انت مش حتحضرلى حصة لغاية اخر السنة يا قليل الأدب
انا زى ابوك و عارف مصلحتك
انت لسة مش فاهم..عنك مافهمت
انا عارف انكو كلكو بتخدو دروس
حتزوغ من الحصة حتتكتب غياب
**************************************
طبعا لازم نعرف إن فى مدرسين محترمين و إن مش كل
المدرسين بيخنقونا
**************************************