فريق حياتى ..غير حياتى

احبتى فى الله
هذه قصه حياتى

( فريق حياتى )
ده هو انا والاسم اللى احبابى بينادونى بيه واختاوره
لانهم شباب عايشين لهدف مؤمنين بيه جدا
وفكروا يستخدموا صحوبتيهم عشان يغيروا اى حاجه للافضل
مهما كان بسيطه المهم انهم يغيروا

وبعد ما كان فريقنا فكره شباب على النت
بقى واقع فى اكتر من محافظه جوه مصر

مجموعة شباب عادي جدا جدا

زي كل hلشباب المصري العصري بس قرروا يتمتعو بكل لحظة في حياتهم وربنا راضي عنهم

هيتمتعو بكل نعمة ربنا اباحها ويستمتعو بحياتهم هيخرجو بس مش هينسو الصلاة هليعبو ويشجعو كورة بس من غير ما يغضبو ربنا بالفاظ اوتعصبوهيساعدو بعض على النجااح في كل حاجةحتى في حياتهم العملية من تعليم وكورسات وتبادل ثقافات

فهموا ان التدين مش صلاة وصوم وبس

التدينعبادات ومعاملات وسلوكيات واخلاق وحياة كاملة

وعاشو وفي قلوبهم كلام ربنا مؤمنين بيه اووووووى

" من عمل صالحا من ذكر او انثى وهو مؤمن فلنحيينه حياة طيبة ولنجزينهم اجرهم باحسن ما كانويعملون "

فاتعلمو حاجات تفيدهم في حياتهم

وحضرو مجالس علم

وخرجوا ورفهوا عن نفسهم

واهتم وبمظهرهم عشان يكونو واجهة طيبة للاسلام

وباخلاقهم وعباداتهم ومعاملاتهم

هدفهم وهدفي معاهم

معرفة الشباب وكل الناس ان التدين نهر السعادة

هم صحبة خير متجمعين عالخير وعايشين احلى حياة

المهم اكملكو قصة حياتي

بعد ماهدفهم بقى واحد ، جمعو افكاراهم ونواياهم الطيبة

واتفقوا انهم يتقابلوا ،في المكان والزمان المحددين،إتقابلوا

وبدأوا يحطوا الخطوط العريضه لفكرتهم، إزاي ينشروها وينفذوها، وساعتها جت فكره الفريق

تكوين فريقله أهدافه ورؤيته، وكانوا مؤمنين إن مادام الفكره كبيره يبقي هيكبر معاها أي عمل هيعملوه

مناقشة بسيطة تمت في بالظبط 20دقيقة

ال 20 دقيقة دي كانت ثمار اول لقاء مجمع لاحبابي اللي اتولدت على ايديهم

ال 20 دقيقة دي اهم 20 دقيقة في حياتي ، لانها ببساطة

هياللي منها خرجت للنور ، هي السبب اللي ربنا بعتهولي عشان اشوفالدنيا

وكانت نتيجةالعشرين دقيقة( اول لقاء مجمع لمؤسسي الفريق – يوم ميلادي )

زيما قلتلكم، الفكره اللي أنا إتولدت بيها، فكره كبيرة أوي، ونبيلة اوي ، عشان كده لقيت نفسي بكبر معاها

واحبابي تعبوا معايا عشان يكبروني

هفضل طول عمري شاكر ليهم ولاي حد بيساهم انياكبر

وهكون شاهدليهم باذن الله يوم مايحتاجوني

وقرروايقسموا فكرتهم لاكتر من مجال

تربوي وخيري وترفيهي واعلامي وديني

اكمللكم قصة حياتي

وتمتنظيم اكتر من زيارة و اكتر مننشاط

والحمدلله كل نشاط عملناه كنا بنخرج منه بقيمة

زي ( زيارات دور الايتام )

بدأنا نبص لبعيد شويه، فقررنا ان فكرتنا مش لازم تبقي زي اي فكرة سابقة

لازم نضيف حاجة جديدة ، ولازم اللي بنعمله يكون فيه اختلاف اوتغيير

واخداحبابي خطوة جديدة في حياتي ، وقرروا ان الفريق يكون تربوي

عشان نهذب ونربي نفسنا وسلوكياتنا قبل اي حاجة

وبدانا نطبق برنامج تربوي للأطفال، وسمينا البرنامج ده

مشروع أولادى

كمان لقينا إننا لازم ننمّي نفسنا ونقوي الروابطا للي مابينا كصحبه صالحه، فاعتمدنا لنفسنا منهج برنامج إيماني تربوي سميناه ( نبنى نفسنا بجد ))

وكمان عشان اتفقنا من بداية فكرتنا اننا نساعد بعض على النجاح في كل مجالات الحياة ، قمنا بزيارة ل( معرض الكتاب )واتفقنا على كتب نقرأها مع بعض

وكمان كان ليا في رمضان قوافل وتعبئة شنط رمضان وحاجات تانية

يعني( نشاط رمضاني متنوع )

وحاجة قريبة لقلبي اوي
( حملة لا للغش )

وحاجة كمان عشان منساش

عاش جوانا معنى الاية الكريمة" انما المؤمنون اخوة "فقولنا ا ننا لازم نكون جمب اخواننا واخواتنا من المرضى

فقمنا بزيارات لمستشفيات )

،زي مستشفى زهراء العباسية ، والمعهدالقومي للاورام ، ومستشفى المعادى وغيرها.....

ومع كل زيارة كان في رسالة ، بنجدد نوايانا ونتكلم في معاني كتيرمفتقدينها

وكمان متدت علاقه الصحبه لأبعد من الزيارات، فخرجومع بعض ولعبو كوره وضحكو وهزرو،وعاشو الحياه بجد، بس في رضا ربنا وكان ده نشاطهم الترفيهى)

ولانهم حبونى اوى اوى ، زي ماانا كمان حبيتهم اوى

حبو انا لدنيا كلها تعرفني وتعرف حكايتي ففكرو في نشاط جميل وجديد وكمان عشان يقربو مني كل الناس اللي مش بتقدر تتجمع معاهم عالواقع

فكانت فكرة( المركز الاعلامي )

وعاشو حياتهم بيفكروا ليا

كل واحدمنهم همه يطلع بكل فكرة ممكن تعليني وترفعني

ومن ضمن افكارهم الجميلة اللي ان شاء الله كلها في ميزان حسناتهم

( راديو حياتي )

كل ده، كان نابع من اهدافي ، الاهداف اللي حطيتها لنفسي عشان تنورلي طريقي

هدفي لاساسي هو التغيير ، اني اغير اي حاجة غلط ، حتى لو حاجة صغيرة ، بس يكون التغييرللافضل ، أغير السلوكيات الخاطئه وأعدلها ، أنشر الأخلاق اللي ربنابيحبها

وعشان أعمل ده، لازم نعمل صحبه صالحه تعيننا على طول الخط ،عشان لو حد فكر يقع، الصحبه ديتشده لفوق

عايزيننبقي كلنا إيد واحده شغاله عند ربنا ،يعني منالأخر، نتصاحب ونتعاون ونتغيرونغير للأفضل وننشر الأخلاق والقيم والمبادئ الصحيحه...

دي صوره مبسطه جدا عن أهدافي اللي أنا عايش عشانها وبيها

دي كانت قصةحياتي من لحظة ما اتولدت لغاية اللحظة دي ، لكن لغاية هنا الحكاية لسه مخلصتش ده احنا لسه يدوب بنبدا .....

ايه رايكم نكمل الحكاية دي ، وكل واحد فينا يكتب سطر في قصة حياتي ، يكتبه بالجهد والوقت والفكر

يالاتعالوا معايا،أنا وإنت وكل الشباب دي، عشان نكمل مع بعض، نعيش حياتنا بجد، ونتغير ونغير تفكيرنا وحياتنا، ونعمل الخير في كل وقت

نقرب من ربنا ونرضيه ونتمتع بكل لحظة من حياتنا ومش هنحرم نفسنا من اي حاجة طالما ربنا اباحها لينا

عشان نوصل للاحساس اللي يخلي كل واحد فينا يقول من كل قلبه

حياتي .... كده احلى

مع تحيات المركز الإعلامى لفريق حياتى

عاوز توصلنا وتشاركنا حلمنا
https://www.facebook.com/group.php?gid=10070804645&ref=nf
http://www.7yatyteam.com/vb/