الصداقة

الصداقة هي من انبل و اسمي معطيات الحيا فما لوث معناها الا الانسان فأصبحت الصداقة هي المبرر الوحيد لكل خطأ في حياة الانسان فاصبحت الصداقة أن يفعل الصديق لصديقه ما يريد و أن يكون كما يحب فمن ينصح صديقه نصيحه الان بما لا يريد فلا يكون صديقا من الاساس فالسوال ما معني الصداقة الحقيقي عن وجهة نظر كل انسان و ما الذي دفع الانسان الي ان يغير معني الصداقة الى مصالح فأين العدل عندما يكون الصديق و هو كما يقال من يدوم للانسان هو أول من يتركه في اوقات شدته أريد أن أعرف ما معني الحياة بعد أن تلوثت اسمي و أحلي معاني الحياة..............................؟؟؟؟؟؟؟؟؟؟؟؟؟؟؟؟؟؟؟؟

بجد واللة العظيم
ربنا يحميكم كلكم
انا فرحان بالموضوع بجد
بس زعلان لاني الموضوع اتخطف مني كنت عوز اضعة في السلسلة الجديدة بتاعتي بس
مفيش مانع ان اي حد يسبق هنا (في مدرسة الحب والحنان والــــــــــــــــــصـــــــــــداقــــــــــــــة )
انا شفت كتير من الناس الي فكرة نفسها صحابك وحبيبك واخواتك بس في الاخر تشوف انك طالما بعيدت عنها خلاص بح مفيش صحاب مفيش مصلحة !!!!!!!!!
ايوة واللة بجد
احكلكم حكايتي مع الصحاب
وانا صغير في المدرسة تصورو اني كنت مصاحب واحد من اول ابتدائي الي الثانوية العامة وبعدها افترقنا بس عشان انا كنت بحب اختة فضلت لحد ما افترات انا واختة و فضلت اروح واسال عنة عشان اختة و هو كان عارف اني بحبها من الاول
المهم تصورو الانسان دة معرفش عنة اي حاجة من حوالي 14 سنه تقريبا مشفتوش غير 2مرة و في يوم و بالصدفة عرفت ان فرحه يوميها من ابن خلتة تصورو الانسان الا كلت ونمت معاة اكتر من اخواتي يكون فرحة و معرفش بجد دي نعم الصداقة..
في الكلية كتير وراحوا معادا واحد كل كام سنه نتصل ببعض وكتير اجد تليفونة اتغير

في الشغل واحد بس فضل من 1998 الي 2002 صاحب نص كم يعمل كل مقلب والتاني واستحمل.. لحد مافي مشكلة كبيرة حصلت عندة والواحيد الي شافة كان واقف معاة بجد كنت انا
لدرجة كنت ممكن اتحبس عشانة بس الحمد للة عشان انا كنت صح وهو ايضا الحمد للة ربنا خرجنا من المشكلة دي وعشان كدة هو لحد الان هو صاحبي بجد الواحيد برة النت ربنا يخلية كدة علي طول..
وواحد تاني في كلت معة وشربنا وساعدتة كتير في زواجة بس من ساعتها اتغير وبقي وحش جداا
وحصلت منة مشاكل كتير قوي ربنا يسامحة بسببة سبت الشغل بتاعي بعد 10 سنين..
وبعدها كانت اخر صدمة كانت في العمل الحر الي كنت بشتغلة
واحد اصغر مني بعشرة سنين ابن ناس كبيرة قوي اتعرفت علية واهلة اعتبروني ابنهم وساعدوني كتير لاني ساعدت ابنهم قبل ما اعرف مين هو ومين اهلة
المهم بعد عني ذي غيرة اتغير هو كمان
بجد مش عارف العيب عندي ولا عند اصحابي
ممكن حد فيكم يرد علية
وعلي فكرة وبدون مجملة مفيش حد زي البرنس وجدتة صديق رغم فارق السن لان ببساطة الصداقة هي
ان تصادق الانسان في القول والفعل لوجة اللة تعالي
وبصراحة ما قالة البرنس هو قول من الاخر لا يمكن ان اضيف شي اخر علية بجد انة انسان رئع يستحق الاشادة ويرب يكون في احسن مكانة وجميعكم يارب يعطيكم علي قد عطائكم
انت خير منتدي بالمحبة والصداقة
وعلي فكرة
الدنيا ابسط من كدة
خدو الموضوع ببساطة عشان تعيشو في سعادة
اخوكم في اللة سامح جادو

أناا بجد بشكركم جدا علي الردود الجميلة والمقنعة دي بس فعلا كلامي ده من واقع الحقيقة و بجد أنا مش هكتب كلام من غير ما يكون حصل او انا شفتو بعنية و بجد أنا مبسوطة من كلامكم لأن ده أبلغ ترحيب منكم أنا بجد مبسوطة و متشكرة جدا بجد

كلام جميل يا نودى

يمنع وضع اى روابط او اميلات لالاتصال
الاداره

بجد ميرسى اوى على الموضوع الجميل

دلوقتى الصداقه نادر جدا انك تلاقيها لدرجة انى لما بلاقى نفسى اتعلقت بواحده صحبتى جامد بقلق جدا لتكون عيزانى مصلحه

انا فعلا وصلت لدرجة انى معدش بثق فى حد خالص

انا هحكيلكم حكايتى مع اصحابى
انا فى مدرسه حكوميه فى اولى اعدادى كان فيه مدرس علوم شاطر جدا و مؤدب جدا
عاملنى زى بنته بالظبط الى هى قدى تقريبا حتى فى امتحان العملى مع انه المفروض كان يبقى مع سنه تانيه وقف معايا و دخلنى على تجربه سهله جدا و وصى عليا المدرسين كمان علشان يراجعولى الورقه
يعنى كان طيب جدا معايا و انا كمان كنت معتبراه زى بابا
و فى سنة تانيه هو الى جالنا و علشان الفصل بتاعنا فصل مشاغبين و المدرسين كلهم بيهربوا منه كان مش بيتكلم مع حد الا قليل بس انا كان بيقف معيا و يكلمنى اكتر مابيقف مع غيرى
مع انى مبخدش عنده درس لانى كنت الوحيده تقريبا الى بسمع لشرحه و مش بعلى صوتى و بحترمه جدا ده غير انى مؤدبه جدا و كل المدرسه عارفانى و بتشهد انتى محترمه جدا و عمر ما استاذ هزأنى قبل ده و لا ضربنى
فالفصل كله خد باله من المعامله دى بدئوا يقولوا ليا "بيبصلك كتير _ بيتكلم عليكى _بياخد منك انتى القلم ليه_منتبهه معاه كده ليه"
و كلام فارغ زى ده كتييبيير جدا
كنت على طول بصدهم فى الكلام لانى بجد بحبه اوى و هو كمان بيحبنى جدا و كانت المعامله بينى و بينه معامله اب لبنته
و فى اخر الترم الاول الكلام الفارغ ده كبر و وصل للمستر
و حاولت اقوله ان مش انا الى قلت كده و هو صدقنى طبعا بس ايه الفايده خلاص راح منى احساس الابوه الى حرمنى منه بابا و كمان استكتروا عليا انى احسه مع استاذى الى عنده بنت قدى

ازاى بقى دلوقتى يبقى فيه اى موده بينى و بين اى حد فى الفصل و انا نمت و قمت لقيت كل اصحابى بيقولوا عليا كلام زى ده
ازاى اصلا هثق ف حد بعد كده
بجد انا لحد دلوقتى بعيط جامد جدا لمابفتكر ان اعز الناس عليا استكتروا ان يكون حد بيحبنى زى بنت الحب ده كله

اكيد مش هى دى الصداقه
و اللهى انا مش عارفه فيه اصلا حاجه اسمها الصداقه و لا ايه

فيه يا جميله بس الدنيا الوحش فيها اكتر
بس انا مش فاهم الجمله ديه
سور ىيعنى

حرمنى منه بابا.......... احساس الابوه ........... ليه

اها
ودلوقتى الاحساس ده راح بعد المشكله ديه